За Левица СДСМ и ДУИ се единствен фактор на дестабилизација

Граѓаните беа сведоци на уште едно насилничко сценарио на пробугарската СДС и терористичката ДУИ, кога група кај Мавровка се обиде да ги каменува мирните демонстранти. Дел од лицата очигледно имаа намера да пукаат кон групата, а веќе во јавноста излегоа слики дека се работи за лица кои се партиски активисти на власта, се вели во реакцијата на Левица.

„Јасно е дека се работи за смислено сценарио на власта во пад, со оглед на фактот дека пред неколку дена министерот Бујар Османи најави дека одбивање на предлогот ќе предизвика меѓуетнички тензии.
Фактот што народот се обедини како никогаш досега против таканаречениот француски предлог, доведе до тоа СДС и ДУИ прибегнат кон нивните познати тактики на сценирани конфликти.
Тоа што министерот Оливер Спасовски постојано најавува дека има информации за тензии, наместо да преземе активности за да ги превенира истите - само потврдува дека хибридниот режим не избира методи за да ја спаси власта.
Бевме сведоци дека и покрај инсценираните настани од вчера, илјадниците кои излегоа на протест не подлегнаа на провокациите кај Мавровка и продолжија да маршираат“, соопшти Левица и додаде дека единствени генератори на криза, поделба и меѓуетнички тензии се врховистичката СДС и амнестираната ДУИ.
„Едно е јасно, народот излегува секој ден помасовно да протестира против распродавањето на АСНОМ-ските вредноста од една генерација на купени и уценети политичари. Народот доаѓа по своето и нема сила која може да го сопре“, соопшти Левица.

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе

Потписниците на нотарските изјави дека нема да гласаат за измените на Уставот се подложни на промени за материјално благо.

 

повеќе