ВМРО-ДПМНЕ: Сите мерки на власта се дебакл

Мерките и политиките на мафијата на власт доживуваат дебакл. Последен во низата промашени мерки е и мерката „Викенд без ДДВ“ кој е целосно промашување, обвинува опозициската ВМРО-ДПМНЕ во утринското соопштение.

Според партијата, наместо најавуваниот поврат на ДДВ од 17 милиони евра ќе се реализира само 1 милион евра, а тоа покажува дека мерката не била доволно добро обмислена и избрзана, но и дека народот нема доволно пари поради драстичниот пад на стандардот.

„Македонија со оваа мафија на власт тоне од ден во ден. Поради промашените политики Македонија имаше рекорден пад на економијата во вториот квартал од 12,7%, бројот на невработени се зголеми за над 40 илјади нови лица, а долгот за само три месеци се зголеми за една милијарда евра.

Уште полоша е состојбата и на здравствен план во поглед на справувањето на државата со пандемијата. Македонија е црна точка, рекордер по смртност од коронавирусот. Секој ден бројките на заразени расте и веќе е очигледно дека е излезена од контрола“, се наведува во соопштението.

Од ВМРО-ДПМНЕ додаваат дека власта на чело со Заев покажала колку е неспособна кога се работи за потребите и интересите на граѓаните, но истовремено организирана и агилна кога се работи за криминал, корупција и лично богатење.

Самиот Никос Коѕијас не го почитува договорот што го потпиша со Заев и Димитров. Ќе реагира ли македонското МНР на терминологијата во неговата колумна, како што вети дека секогаш ќе реагира кога се крши Договорот од Преспа? Треба. Ама не е за верување.

повеќе

За првпат 16 врвни бизнисмени од земјите на Западен Балкан, врз основа на мерливи критериуми, ќе го следат напредокот на економските реформи во регионот и ќе го известуваат Брисел.

повеќе

Хрватска и Северна Македонија имаат јаки културни и историски врски и традиционално добри односи. Заради тоа, но и заради хрватското искуство со пристапните преговори, Хрватска треба да биде најдобриот пријател и бранител на нејзиниот европски пат, особено откако Северна Македонија е изложена на токсичен национализам и на неправда, нешто за што во Европската унија не смее да има место, пишува во колумна за Аутограф хрватскиот пратеник Бојан Главашевиќ анализирајќи ги бугарските условувања, но и предупредува дека Хрватска засега молчи..

повеќе