Реакција

ВМРО-ДПМНЕ: Шизофрени обвинувања од СДСМ

СДС денес е директен наследник на идеологијата на југословенскиот тоталитарен комунизам кој е одговорен за масовните кршења на човековите права, тортурите и апархејдот врз делови од македонската интелигенција, како и врз илјадници граѓани кои имаа автентична македонска национална свест. Истовремено, фактот дека и денес од СДС јавно не се дистанцираат од злосторствата на партијата чии наследници се, говори и за тоталитарната свест на актуелната генерација скриени социјалдемократи, а во суштина тоталитарни умови преокупирани само со идеи за лично богатење и народен грабеж, се вели во реакцијата на ВМРО-ДПМНЕ на денешното соопштение на СДСМ за изјавите на Мицкоски во врска со Ванп Михалјов.

„Масовните кршења на човековите права денес, неправедните притвори и затвори, како и прислушувањето и следењето на опозицијата се само мал изблик на оваа иста авторитарна политичка траекторија која без прекин се простира од времето на Колишевски и Ранковиќ, па сé до Ковачевски, Заев, Спасовски и Зечевиќ.

Оттаму, крајно шизофрени, лицемерни и смешни се обвинувањата на СДСМ за наводна блискост на ВМРО-ДПМНЕ со некаква тоталитарна идеологија. Во немоќта да ја скријат својата тоталитарна природа и восхитеност од злото на комунизмот кое е осудено од цела Европа, СДС ја користи старата добра тактика со сеење на лаги и етикетирање. Но, сепак суштината сите знаат дека не е дебата за Михајлов, туку болната реалност во кој СДС ја донесе Македонија во подредена положба во однос на Бугарија.
СДС е партијата со која почна кочењето на Бугарија на европските интеграции на Македонија.
Зоран Заев - кој според признанијата на членовите на СДС им е 'тетовиран' во срцето и душата - склучи срамен, понижувачки и анационален договор со Бугарија со кој се согласи да се одрече од македонската историја, македонскиот јазик и македонскиот идентитет.
Наследник на таквата антимакедонска политика е и Ковачевски кој договори и прифати услов за почеток на преговорите со ЕУ да бидат токму уставните измени без гаранција за престанок на идно блокирање кон европската цел. Истовремено, СДС е и партијата која дозволи, го оправда и го поддржа формирањето на клубовите Ванчо Михајлов и застапникот на фашизмот и окупатор на Македонија Цар Борис. И денес вицепремиерот на Македониjа од Бугарија соопштува дека законот за здруженија кој и самите го гласаа во македонското Sобрание, а го предложи ВМРО-ДПМНЕ нема да го применуваат за да не се налути Бугарија. Значи тие дозволија Бугарија да уредува Устав и закони во Македонија. Впрочем, да потсетиме дека антимакедонската СДС е партијата која се прогласи за наследник на најстрашниот комунизам кој ја збриша македонската интелигенција, наследник на методите на Темпо, Колишевски и другите комунисти чиј систем вршеше терор врз Панко Брашнаров, Петре Пирузе, Ченто, Апостолски, Марковски и други.

ВМРО-ДПМНЕ ѝ порачува на СДС наместо да сее лаги и невистини, да се извини за злото што комунистите ѝ го нанесоа на Македонија, како и да се извини за злото што и тие самите ни го нанесоа за време на грабежот во првите две децении од независноста, како и предавствата што ги направија во оваа трета деценија на самостојна и суверена Македонија“, се вели во реакцијата на ВМРО-ДПМНЕ.

 

 

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе