Трипуновски: Институциите да истражат зошто се купува поскапа пченица за дури 25 проценти од берзанската

Молкот од власта за набавката на пченица по цена 25 проценти поскапа од берзанската само го потврдува сомнежот за сериозен криминал. Но, и дополнително го отвора прашањето зошто Владата преку Агенцијата за стокови резерви купува пченица имајќи во предвид дека цела Влада само неколку месеци претходно не убедуваше дека нема простор за паника, бидејќи стоковите резерви биле полни, изјави денеска Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ.

„Љупчо Николовски и Димитар Ковачевски бесрамно молчат и не одговараат пред јавноста зошто Агенцијата за стокови резерви преку два тендери набавила 20.000 тони пченица, и истата се плаќа дури до 27 денари по килограм, односно 6 денари поскапо од тоа што се тргува на регионалните берзи во моментот.

Од објавените тендери на Електронскиот систем за јавни набавки на 24 и 25  август Агенцијата склучува два договори во вредност од 4,4 милиони евра, за набавка на 10.000 тони, едниот со фирмата Агроглобал трејд од Скопје, а другиот со Кокра Е Арт од Тетово.

Само месец и половина подоцна, односно на 4 октомври, Агенцијата повторно склучува договор со фирмата Кокра Е Арт од Тетово, за набавка на 5.000 тони пченица, овој пат за сума од 2,1 милиони евра, а само два дена подоцна на 6 октомври склучува уште еден договор за набавка на 5.000 тони пченица во вредност од 2,2 милиони евра, со фирмата Млин аргулица од Карбинци.

Наместо во услови на криза да заштеди, владата се расфрла со парите на граѓаните, пари кои што можеле да бидат заштедени доколку власта набавеше пченица по берзанска цена, наместо во овој случај дури 6 денари поскапа од реалната.

Додека граѓаните живеат во сиромаштија, додека земјоделците се незадоволни од третманот на владата поради ниските откупни цени и несигурен пласман на производите, над милион евра од оваа криминална зделка со пченицата ќе завршат во нечии џебови.

Љупчо Николовски наместо да бега и да се крие, мора да одговори пред граѓаните:

Зошто Владата кога веќе имала пари не извршила интервентен откуп на македонската пченица од македонските производители, која се продаваше по просечна цена од 17 до 18 денари?

Дали со оваа набавка од 20.000 тони пченица е извршена целосна пополнетост на стоковите резерви  кој според закон би требало да обезбедат покриеност за 120 дена?

Доколку навистина владата се грижеше за македонските земјоделци, тогаш ќе се откупеше македонската пченица и наместо парите да се изнесеа надвор од државата, ќе останеа во државата и кај земјоделците.

Постојат сериозни индиции за сторен криминал, бидејќи Николовски од позиција на министер можел да обезбеди пченица по пониска цена или цена приближна до берзанската, но не го сторил тоа.

Концепт кој што го промовира владата за отвореност, отчетност и транспарентност, завршува со секој нов криминален скандал на оваа власт во која се вклучени и високи претставници од власта. Токму затоа ги повикуваме надлежните институции да покренат истрага и да испитаат каква е вмешаноста на Ковачевски и Николовски во оваа нова криминална зделка.

Одговорност за криминалот мора да има и ќе има кога тогаш.

Со правдата нема компромис, никој не може и не смее да се богати на грбот на македонските земјоделци и македонските граѓани.

Многу набрзо доаѓаат промените и  крајот на неспособното владеење на  Владата на СДС“, изјави Трипуновски.

 

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе

Провокација е именувањето на бугарските клубови „Борис III“ и „Ванчо Михајлов“. Не можеа ли да бидат со имињата Елин Пелин, Димчо Дебељанов, Черноризец Храбар или Иван Вазов?

повеќе