Се крие дека поскапа струја ќе плаќаат најголемиот број од семејствата, велат од ВМРО-ДПМНЕ

„СДСМ и ДУИ го кријат енормното покачување на цената на струјата зад таканаречените тарифи. Најголемиот број од народот ќе плаќа 18% и 138% поскапа струја. Тие што до вчера плаќале 4.000 денари ќе плаќаат 5.000 денари, а тие што плаќале 5.500 денари ќе плаќаат над 13.000 денари“, смета ВМРО-ДПМНЕ.

Во партиското соопштение се вели дека најпогодени ќе бидат домаќинствата кои се грејат со грејни тела на струја и тоа, седум месеци во текот на грејната сезона. Ако до лани плаќале 13.000 денари, сега ќе плаќаат и над 28.000 денари месечно за загревање на нивните домови, смета партијата и додава дека СДСМ и ДУИ ја зголемија цената на струјата за да ги покријат дупките оставени од крадење во РЕК и ЕЛЕМ.

„Над 200 милиони евра се потрошени за седум месеци за скап увоз на струја, затоа што власта не произведува и го уништи домашното производство заради крадење. Сега тие дупки ќе треба да ги покриваат граѓаните. СДСМ и ДУИ го уништија енергетскиот систем. Сега сакаат да ги осиромашат и граѓаните“, пишува во соопштението на ВМРО-ДПМНЕ.

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе