Левица: Според Протоколот идеите на АСНОМ се злосторнички, а Македонија треба да биде бугарска колонија

На 17-ти јули 2022 година, потпишан е протоколот од Вториот состанок на Заедничката меѓувладина комисија формирана врз основа на членот 12 од понижувачкиот т.н „договор на пријателство“ меѓу Македонија и Бугарија. Од изворот на политичкото бунило се пои со одново обмислена реалност, во која одново живеат мрачни сили на црна идеологија - на насилство, грабеж и помор за племенитите идеи на единство и слобода на балканските народи. Поданичката и предавничка власт, ја исполни својата суштина и конечно ја стави македонската идеја на отстрел пред бугарските фашистички цели, се вели во реакцијата на Левица.

„Политички, нашиот државен врв прифаќа подредување и политичка доминација на внатрешните работи на Македонија од страна на друга држава. Историски, изминатите децении на демонизирање на повоениот режим и рехабилитацијата на криминалната историја на фашизмот, сега, за официјална Софија се целисходни за конечна ампутација на асномскиот карактер на нашата државност - кој е незаменлив!

Цивилизациски, ова е недозволиво - идеите на домашните колаборатори и предавници од Втората светска војна, кои Народно-ослободителната револуција имала за цел да ги сотре, скриени од последиците во други земји, преживела. Откако сме во западна прегратка, тие се сега повторно тука, и сакаат да се пресметаат со нашата антифашистичка историја - која е врежан доказ во македонскиот народен гениј и споменик за грозната природа на бугарскиот фашизам.

Македонската и југословенската држава, по Втората светска војна припаѓа на оние кои својата слобода ја платиле со лична жртва и покрај загубите, го победиле ѕверството на сојузниците на оската Берлин-Рим. На тие луѓе, бугарските фашистички окупатори сакале да им ја одземат земјата и идентитетот, да им ги убијат најблиските и разделат семејствата.

Сега, материјалните спомени на тие македонски партизани ќе станат предмет на прогон за нео-фашистите од дома - слуги на туѓи дворови. Слободната македонската држава од минатото, која рамо до рамо се постави со победниците од војната, ќе стане злосторничка, а сега - слободоумните Македонци ќе бидат злосторници кога ќе се повикаат на идеите од АСНОМ.

На нашата победа и на АСНОМ им претходи бугарска инвазија, окупација и анексирање на Македонија. Кога бугарските великодржавни апетити со помош на домашните врховисти ќе успеат да ја надминат пречката на АСНОМ - тоа означува регресија во околностите од пред оваа историска разврска. Околности кои се идентични на оние кои се наметнуваат сега. За нивната понатамошна интерпретација можеме да се повикаме на историска рамка која ќе ни ги даде одговорите - за како ќе треба да ја интерпретираме сопствената и старословенската историја со бугарски предзнак, како ќе го дефинираме сопствениот јазик и како ќе се чуствуваме и доживуваме. Македонски народе, нашата борба само што повторно отпочна“, соопшти Левица.

 

 

„Вчерашниот ден измина, утрешниот допрва доаѓа, го имаме само денес - да започнеме“.

повеќе

Шоковите кои се случуваат истовремено и распадот на меѓународната соработка го направија управувањето со кризи невозможно - барем со користење на стандардните алатки. 

повеќе

Oд Словото за академик Божин Павловски, 80 години од раѓањето и 60 години од неговото творештво.

повеќе