Соопштенија

Дека Македонија одамна важи за држава во која партиското влијание е навлезено во сите пори на општеството, доволно говори фактот што повеќе од 1.300 „работници“, апсолутно без никаква оправданост; без воопшто никаков план во однос на тоа каде и што ќе работат, прво биле примени на работа, а потоа, блиску една деценија, тие воопшто и не се појавувале на своите работни места, а добивале плата од Буџетот на Република Македонија, се вели во денешната реакција на Левица.

Христијан Мицкоски повторно ја презема улогата на докажан извор на лажни вести и потврден деструктивец кој работи на штета на државните и националните интереси. Мицкоски синоќа излажа дека  дека придавката македонски се заменува со уставното име Република Северна Македонија во работата и записниците на Заедничката мултидисциплинарна експертска комисија за историски и образовни прашања помеѓу Северна Македонија и Бугарија, иако оваа лага експресно беше демантирана токму од Комисијата, се вели во денешното соопштение на СДСМ.

Аболицираниот криминалец Зоран Заев е тотално изолиран политичар од страна на светските, но и од страна на балканските лидери. Изминативе 6 месеци премиерот во заминување Зоран Заев нема остварено ниту една билатерална средба со премиер на некоја европска или светска земја, соопшти ВМРО-ДПМНЕ.

Силна, бескомпромисна борба за заштита на животната средина и засилен ангажман во акцијата за чиста и здрава животна средна, е еден од нашите приоритети, преточени во стратешката рамка на Владата „Акција 21“, соопшти денеска СДСМ.

Успешните економски политики што ги креира и реализира СДСМ даваат позитивни резултати и во време на најтешката глобална здравствена и економска криза, предизвикана од пандемијата со коронавирусот, пишува во денешното соопштение од владејачката партија.

Новиот закон за лични карти и патни исправи, според последните изјави на премиерот Заев, нема да вклучува ознака за етничка припадност. Неговото образложение е дека тоа е технички и ќе треба да се чека на  „тендерот“ на нов оператор за биометриски документи, се вели во денешната реакција на Алијансата за Албанците.

Нетранспарентното менување на членот на историската комисијата со Бугарија од страна на Заев е обид за замолкнување на вистината. Заев го замолкнува секој обид за спротивставување кон неговите политики и го деградира сечие мислење и критика насочено кон обелоденување на историските факти, се вели во денешното соопштение на ВМРО-ДПМНЕ.