Ден на жалост во Шуто Оризари

Семејството повикува на традиционален погреб на Амди Бајрам, а МЗ на избегнување на погребните ритуали

Во чест на починатиот лидер на ромската партија Сојуз на Ромите на Македонија Амди Бајрам, денеска во Општината Шуто Оризари ќе биде прогласен ден на жалост. За денеска е закажана и комеморативна седница во општината.

Амди Бајрам ќе биде погребан денеска на гробиштата во Бутел, а од неговиот дом во населбата Бутел ќе тргне и погребната поворка. По социјалните мрежи се споделува повикот сите Роми и не-Роми да се придружат на поворката од 14 часот.

„Ги повикуваме сите на кои им помогна, роднини, пријатели, политичари, бизнисмени, организации и сите Роми и не-Роми, за последен пат да го испратиме до вечниот дом, затоа што заслужува, затоа што беше голем Ром и пред се голем човек“, се вели во повикот.

Министерството за здравство вчера соопшти дека кај починатиот Амди Бајрам постмортем е утврдено дека бил позитивен на ковид-19, па во интерес на заштита на нивното здравје, се повикуваат семејството и неговите пријатели во целост да соработуваат со надлежните служби, да се избегнат сите погребни ритуали, а погребот да се спроведе согласно протоколите, како превенција од понатамошно ширење на инфекцијата од ковид-19.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе