На улица Козара во Центар нов асфалт и затнати шахти и сливници (ФОТО)

Жителите на улицата „Козара“ во скопската општина Центар веќе неколку дена алармираат на можното поплавување на подрумите на нивните објекти поради нестручно асфалтирање на нивната улица. Со асфалтирањето изведувачот на асфалтирањето на оваа улица ги затнал и речиси сите шахти и сливници на улицата. Од Општина Центар велат дека за вакви работи ќе се казнува.

 

Улицата „Козара“ и онака е позната по урбанистичкиот хаос предизвикан од решенијата за градба издадени од општината, а сега згора на тоа им се заканува и поплава при можен уште еден пороен дожд. Заедно со асфалтот мајсторите покриле сѐ - сите решетки и шахти за одвод. По реакцијата на жителите, мајсторите се обиделе да откопаат по некоја шахта и одвод, ама сега тие се затнати и полни со асфалт. На првиот дожд Козара ја чека истото што и остатокот од Скопје, предупредуваат жителите.

На терен излезе и градоначалникот Горан Герасимовски и општинските служби кои вршеа чистење на сливниците.

Герасимовски вети дека општината ќе биде строга и ригорозна со казнување доколку во иднина повторно се случат недоследности во работата на изведувачите како затрупувањето на шахтите во овој случај. Следува подигање и нивелирање на сливниците, шахтите и капаците за водовод, вети градоначалникот.

Недалеку од таму, на улицата „Петар Поп Арсов“ неодамна исто така беше завршено асфалтирањето, а и таму жителите забележаа дека со новиот асфалт дојде и до затнување на одводите од олуците на зградите.

А.Д.

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе