Автобусите остануваат пред Мавровка до исплата на долгот, Ленин до Арсовска - маќео шу праиме!

Приватните превозници од „Слобода превоз“ и „Макекспрес“ паркираа триесетина автобуси кај крстосницата на ТЦ „Мавровка“. Сообраќајот во Скопје е во хаос. Превозниците најавуваат дека нема да ги тргнат автобусите сѐ додека не се договорат за исплата на долгот што го има Град Скопје и ЈСП Скопје кон нив.

Ако нема договор, приватните превозници најавуваат целосно парализирање на градот со сите нивни возила.

Претставници не „Слобода превоз“ и „Макекспрес“ денеска ќе присуствуваат на седницата на Советот на Град Скопје. Веќе седум дека приватните превозници не сообраќаат.

Градоначалничката Данела Арсовска ги обвини приватните превозниците дека пет години немаат прикажано продажба на билети и дека немаат фискални апарати, па поради тоа сториле тежок криминал. Превозниците веднаш одговорија дека е тоа лага затоа што во возилата на „Слобода превоз“ и „Макескпрес“ не се продаваат билети, туку во автобусите на ЈСП „Скопје“.

Првиот човек на „Слобода превоз“, Ленин Јовановски објави и снимка на на својот фејсбук профил за тоа како изгледа продажбата на билети во автобусите на ЈСП.

„Велат на лагата и се кратки нозете, а јас велам некому му е краток паметот, а долг јазикот. Видео запис во автобус на ЈСП во кој нема фискален апарат , а возчот ми продаде билет за кеш без да ми издаде фискална сметка. Ова нешто е пракса во секој автобус на ЈСП, каде возачите од директорот на ЈСП се принудени ова незаконито продавање да го прават баш вака. И сеа маќео шу праиме ? Крадецот викал на цел глас држте го крадецот!“, напиша Јовановски.

 

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе