Скопје

Универзална сала ќе се реконструира во сегашниот облик и големина, а средствата за таа намена треба да се добијат од претстојниот ребаланс на Буџетот, изјави вчера градоначалникот на Скопје Петре Шилегов.

Во текот на изминатата недела во Скопје со „пајак“ се отстранети вкупно 239 возила од јавните површини, од кои 29 од зонските паркиралишта, а другите 210  возила по налог на сообраќајната полиција за паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице, информираат од Град Скопје.

На две локации во Скопје денеска се поставени уреди кои ќе собираат примероци за квалитетот на воздухот 24 часа на ден во текот на секое деноноќие во наредните 12 месеци. Со анализа на овие податоци попрецизно ќе се откријат поединечните извори на загадување на воздухот во градот.

Невладината организација Еко-свест реагира дека на утрешната седница на Советот на Град Скопје треба да биде донесен Зелен акциски план за град Скопје, а за планот којшто треба да ја подобри состојбата со животната средина во градот и како таков ги засега сите негови жители, досега немало никакви јавни консултации ниту соодветно информирање за процесот.

Авиокомпанијата Виндроуз (Киев) во декември ќе почне со редовни летови кон главните градови на балканските земји. Прес-службата на авиокомпанијата објави дека од 1 декември двапати неделно ќе лета од Киев до Подгорица и назад, a од 6 декември секој четврток и недела на релацијата Киев-Скопје-Киев.

Завршува јавниот повик за доделување субвенции за инвертер клима уреди за затоплување на домаќинствата, информира Град Скопје.

Планерската компанија „Ин-пума“, која е најмена од Општината Центар за да го нацрта деталниот урбанистички план кој до скоро ја опфаќаше и фабриката „Треска“, во својата сопственичка структура има градежни фирми и физички лица кои се сопственици на парцели на истата локација, пишува 360 степени.