Во општина Новаци ќе се гради нова регионална депонија

Министерот за животна средина и просторно планирање (МЖСПП) Насер Нуредини денеска оствари средба со градоначалникот на општина Новаци, Стевче Стевановски на која се разговарало за изградба на регионалната депонија на локација до поранешниот рудник за јаглен на РЕК Битола која ќе ги опслужува Пелагонискиот и Југоисточниот Плански Регион, соопшти МЖСПП.

„Во рамки на средбата направена е посета на сегашната нестандарна депонија и локацијата на предвидената нова депонија. Разговарано е и за потребата изградба на алтернативен пат до централна регионална депонија со што ќе се спречат негативни влијанија кај граѓаните на општина Новаци и Битола. Ќе се финансира со заем на ЕБОР и со грант од Владата на Швајцарија“, се наведува во соопштението од Министерството.