Утрово во Берово измерени 2 степени

Во Берово утрово е најстудено, два степена, додека максимални 10 степени се измерени во Гевгелија. Во Скопје ќе биде променливо облачно и магливо. Кон крајот на денот ќе има повремен дожд и ќе дува умерен јужен ветер. Максималната температура ќе достигне 14 степени.

Според УХМР, до 8:30 часот три степени се измерени на Попова Шапка, 4 во Струмица и Лазарополе, 5 во Демир Капија, Претор, Маврови Анови и Крушево, 6 во Прилеп, Крива Паланка и Дебар, 7 во Битола и Охрид, 8 во Штип, Куманово, Виница и Дојран, како и 9 во Скопје – Петровец и Скопје – Зајчев Рид.