Утре заедничка литургија за Илинден во манастирот „Св. Прохор Пчински“ на МПЦ-ОА и СПЦ

Во манастирот „Св. Прохор Пчински", покрај одбележувањето на празникот Илинден од страна на државно-црковна делегација предводена од претседателот Стево Пендаровски, заедничка литургија по повод верскиот празник Св. Илија ќе сослужуваат владици на МПЦ-ОА и СПЦ.

Како што дознава МИА од српски црковни кругови, заедничката литургија во црквата во манастирот „Св. Прохор Пчински" со почеток во 8 часот ќе ја сослужуваат митрополитот струмички Наум, митрополит кумановско-осоговски Григориј и епископот стобиски Јаков од МПЦ – Охридска Архиепископија и епископот врањски Пахомије од СПЦ.

Исто така, утре во манастирот „Св. Прохор Пчински" празникот Илинден ќе го одбележат и Македонците од Србија, бидејќи 2 август е државен празник за македонското малцинство во Србија.

Државнo-црковна делегација во посета на манастирот „Св. Прохор Пчински", каде е одржано првото заседание на Антифашистичкото собрание на народното ослободување на Македонија (АСНОМ) на 2 август 1944 година ќе ја предводи претседателот Стево Пендаровски.

Во состав на државно-црковната делегација на чествувањето во манастирот „Св. Прохор Пчински" се министерката за одбрана, Славјанка Петровска, пратениците во Собранието, Мирослав Јовановиќ и Лидија Тасевска, митрополит кумановско-осоговски Григориј и епископот стобиски Јаков, како и претставници на Македонската Православна Црква – Охридска Архиепископија и на Сојузот на борците на НОБ.

Од српска страна, на чествувањето ќе присуствуваат министерот за надворешни работи на Србија, Никола Селаковиќ и епископот врањски Пахомије, како претставник на Српската Православна Црква. 

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе