РСБСП со совети за возење во зимски услови: одмрзнете ја шофершајбната и задното стакло, седете удобно...

Автомобилот треба добро да се подготви за зимата, а при возење во зимски услови, кога патот е исклучително лизгав, најважна е смиреноста и внимателното ракување на возачот со командите затоа што ненадејните и остри маневри се контрапродуктивни. Републичкиот совет за безбедност во сообраќајот на патиштата (РСБСП) советува како да се подготвите за безбедно возење во зимски услови. 

Пред да се вклучите во сообраќај треба да го направите следното:

Седнете правилно и обезбедете си добра видливост

Правилното седење е основа за безбедно возење во какви било услови, а особено е важно кога се предизвикувачки, како во зима. Затоа, не „легнувајте" зад воланот, не спуштајте го наслонот на седиштето за едвам да стигнете до воланот, бидејќи во оваа положба не можете да реагирате ниту брзо ниту адекватно.

Потпирачот за грб треба да биде поставен колку што е можно поисправено и доволно оддалечено од воланот, така што кога ќе го достигнете горниот дел од воланот, тој да стигне до зглобот на вашата рака. Прилагодете го растојанието помеѓу седиштето и воланот така што левата нога ќе е речиси целосно испружена кога ќе се притисне куплунгот.

Направете си удобност

Во зима, поради студот, обично носиме гломазни, тешки и дебели чевли и облека. Сето тоа е во спротивност со принципите на безбедно возење. Важно е да го чувствувате автомобилот што е можно подобро. Вкочанетите и тврди зимски чевли и подебелата облека ве ограничуваат во движењата и брзината на реакцијата во исто време, што може да биде пресудно за безбедно возење во зима. Затоа, штом се загрее кабината во автомобилот, бидете удобни. Доколку возењето е подолго, размислете да користите дополнителен пар меки чевли само додека возите.

Додатоци

Покрај задолжителната стругалка за мраз или спреј за одмрзнување стакло, во багажникот корисно е да ставите и некои други додатоци кои би можеле да ви бидат од помош во зима (на пример: стари ракавици и ќебиња во случај да треба да менувате гума). Чадорот е нешто што во секој случај би било корисно да се има во автомобилот, а ако сакате да ја зачувате внатрешноста на вашиот автомобил, корисно е да купите гумени теписи кои собираат влага која ја внесуваме во автомобилот со чевлите.

Исчистете ја шофершајбната од надвор

За добра прегледност од позицијата на возачот, прво треба да ја исчистите шофершајбната која во зима може да биде замрзната или покриена со снег. Притоа ветробранското стакло треба да се чисти цело, а не само во средината.

Одмрзнете ја шофершајбната

Откако целосно ќе ја исчистите шофершајбната однадвор, бидејќи температурите во зима се ниски и има многу влажност во воздухот и околината, кога ќе влезете во автомобилот често се случува таа да се замагли од внатрешната страна. Не само поради топлината на вашето тело и здивот, туку и поради фактот што во зима внесуваме многу влага во автомобилот со нашите чевли и облека. Затоа, треба да се одмагли пред да почнете да се движите. По палењето на моторот вклучете ја вентилацијата најсилно и насочете ја кон шофершајбната. Корисно е да ја вклучите климата без разлика колку е студено, бидејќи климата го суши воздухот.

Одмрзнете го задното стакло

Пред возењето, покрај обезбедувањето видливост на шофершајбната, неопходно е истото да се направи и со задното стакло. Затоа, откако ќе изгребете мраз или снег од шофершајбната, истото треба да го направите и со задните и страничните прозорци, како и со ретровизорите. Во повеќето модерни автомобили задното стакло и надворешните ретровизори имаат вградени електрични грејачи кои им овозможуваат не само брзо одмрзнување, туку и одмаглување. Имајте на ум дека тие трошат многу електрична енергија, затоа користете ги само кога работи моторот.

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе