Новинари и адвокати разменија искуства на тема тужби oд политичари и јавни личности

Здружението на новинари на Македонија (ЗНМ) и канцеларијата на Советот на Европа организираа стручен семинар на тема: „Стратешки тужби против јавното учество (SLAPP), компаративни искуства и пракса за препознавање и превенција“ , што се одржа изминатите три дена во Гевгелија.

На семинарот, информираше денеска ЗНМ, учесници беа адвокати и новинари кои имаа можност да разговараат и да разменат искуства за SLAPP тужбите или познати како стратешки тужби за спречување на јавно учество чија цел е да ги заплашат и финансиски да ги исцрпат тужените новинар(к)и или медиуми.  Кога се иницирани од политичар(к)и и носител(к)и на јавни функции, овие тужби можат да предизвикаат страв и самоцензура кај новинар(к)ите, а со тоа и  нарушување на правото на граѓан(к)ите да бидат информирани.

„Добро е што имаме можност и прилика да се видиме на стручен семинар, каде што тема се тужби со кои се соочуваме често, да размениме мислења и искуства кои ќе ни помогнат во иднина да го промениме, подобриме пристапот кога станува збор за SLAPP тужби. Тука, со нас се и експертите од Совет на Европа кои верувам дека ќе придонесат многу кон третирање на проблематиката за двете страни на учесници – новинарите и адвокатите“, истакна Младен Чадиковски, претседателот на ЗНМ.

Александра Богдановска, постара раководителка на проектот, од програмската Канцеларија на Совет на Европа во Скопје ја нагласи соработката со ЗНМ како дел од проектот „Слобода на изразување и слобода на медиумите во Северна Македонија (ЈУФРЕКС 2)“.

„ЗНМ се наши партнери и заедно таргетираме теми и цели кои што се од заеднички интерес со претходно договарање и адресирање на тековните проблеми и потреби. Во таа насока е овој стручен семинар кој што за жал е наш последен  во рамките на конкретниот проект, но ќе истакнам дека наназад имавме многу успешна соработка на теми кои што се најразлични и теми кои што придонесоа до законски промени, како што се стратешките тужби против јавното учество. Би сакала да информирам дека Советот на Европа формираше работна група која ќе се занимава токму со оваа проблематика, односно донесување на препорака за SLAPP“, рече Богдановска.

На семинарот имаше и експерти од Советот на Европа чија специјалност се токму овој вид на тужби.

Флутура Кусари говореше за SLAPP тужби, зошто станаа сериозна закана за новинарството и достапните истражувања на темата, а подоцна беше одржана од групна дискусија на тема „Како да се реагира кога се соочуваме со SLAPP?“ , сесија која даде можност да се разговара за тоа како да се препознае SLAPP тужба, како медиумите би можеле да реагираат на SLAPP тужба и како да се побара поддршка, а воедно и се зборуваше за улогата на адвокат(к)ите и суди(јк)ите). Вториот експерт од Советот на Европа, Александар Качамов презентираше три случаи на SLAPP од Европа, со отворена дискусија од присутните на оваа тема.

„Реализацијата на ваков вид семинари е од особено значење за новинарите, но и за адвокатите кои имаат пракса од застапување на новинари при правни спорови бидејќи искуствата на двете страни со SLAPP тужби придонесуваат кон поголема подготвеност за справување со проблематиката“, истакнуваат од Здружението на новинари. Тие го организираат настанот како партнер на проектот „Слобода на изразување и слобода на медиумите во Северна Македонија (ЈУФРЕКС 2)“ во рамки на заедничката програмска акција на Европската Унија и Советот на Европа „Хоризонтален инструмент за Западен Балкан и Турција 2019 – 2022 година“.

Здруженост, сплотеност и поврзаност на луѓе, друштва, организации и институции кон една заедничка цел или поради заедничка причина. 

повеќе

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе