Грковска: ИТ-кадрите мора да ги задржиме во државната администрација, без нив нема напредок

ИТ-кадрите не може и не смее да бидат третирани како администрација, затоа што тие не се тоа. На овие кадри мора да им понудиме соодветни услови за да останат во системот, бидејќи без нив не е можен напредок. Работиме на неколку модели што би требало да бидат решение за ИТ-кадрите во државната администрација, вели вицепремиерката задолжена за политики за добро владеење Славица Грковска.

Во денешното гостување во емисијата „Стадион“ на Радио Канал 77 Грковска оцени дека анализите што се направени преку ИТК Работната група се поразителни и покажуваат дека во државната администрација недостасуваат стручни лица во оваа област, а без нив нема напредок.

Таа нагласи дека процесот за дигитална трансформација на општеството мора да се работи системски, а предуслов за тоа е воспоставување електронска лична карта, која обезбедува електронска идентификација и електронски потпис, а услугите може да се користат со еден акаунт, вели МИА.

„Многу е важно во овој процес да бидеме внимателни, како држава не смееме да имаме повеќе парцијални решенија. Како држава ние уште во 2006 година се определивме за дигитална трансформација на општеството и тоа е наведено во ИКТ Стратегијата, која беше изгласана во Собранието“, нагласи Грковска.

Таа додаде дека неминовно ќе дојде момент кога секоја институција ќе има електронски печат. Тоа во целиот процес на дигитална трансформација на општеството ќе биде синхронизирано. Институциите и сега може да имаат електронски печат.

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе