Самит на Берлинскиот процес

Земјите од Западен Балкан потпишаа договор за признавање на личните карти и дипломите

Шефовите на владите на Србија, Косово, Црна Гора, Македонија, Албанија и Босна и Херцеговина денеска на самитот на Берлинскиот процес потпишаа три договори, чија цел е регионална интеграција и слободно движење на граѓаните на Западен Балкан, особено поголема мобилност на професионалци, студенти, истражувачи и професори. Станува збор за меѓусебно признавање на личните карти, високообразовни дипломи и професионалните кфалификации на лекрите, стоматолозите и архитектите.

Трите договори ги потпишаа премиерите на Србија – Ана Брнабиќ, Албанија – Еди Рама, Босна и Херцеговина – Зоран Тегелтија, Косово – Албин Курти, Црна Гора – Дритан Абазовиќ и Македонија – Димитар Ковачевски.

Договорот за признавање на личните карти ги олеснува условите за патување со поедноставување на административните процедури за влез, транзит и краток престој само со лична карта, обезбедува еднаков третман за сите граѓани од регионот и ги укинува сите постоечки визи во Западен Балкан.

Со договорот за признавање на универзитетските дипломи се воспоставуваат заеднички правила и процедури за признавање на високообразовните квалификации, се овозможува мобилност на студентите и академскиот кадар на Западен Балкан, се скратува периодот за донесување одлука за признавање на најмногу 14 дена и се укинуваат постојните давачки за студенти за поднесување барања за признавање на високообразовните квалификации. Овој договор се однесува на државните универзитети и постепено ќе се проширува и на приватните.

Договорот за признавање на професионалните квалификации го олеснува движењето на професионалците низ регионот и овозможува обезбедување услуги на лекари, стоматолози и архитекти во Западен Балкан. Овој документ создава и основа за преговори за преостанатите четири регулирани професии (акушерки, медицински сестри, фармацевти и ветеринарни хирурзи) во наредниот период.

По двегодишни преговори, договорите беа одобрени од министрите за надворешни работи на шесторката од Западен Балкан на состанокот организиран од германската Влада на 21 октомври како дел од Берлинскиот процес.

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе

Провокација е именувањето на бугарските клубови „Борис III“ и „Ванчо Михајлов“. Не можеа ли да бидат со имињата Елин Пелин, Димчо Дебељанов, Черноризец Храбар или Иван Вазов?

повеќе

Слоганот на македонското претседателство со ОБСЕ е “It’s About People” и затоа ќе е доблесно МНР да побара помош и поддршка за да си ги заштити националните интереси, интегритетот, суверенитетот, јазикот и идентитетот.

повеќе