И натаму неизвесно кога ќе дојдат вакцините

Заев: Презедовме чекори за вкупно два милиона вакцини - работиме и за нарачка од Астра Зенека

Последно на што работи Владата е нарачка на вакцини и од производителот Астра Зенека, а ако се пресмета вкупно колку активности презедовме за да обезбедиме вакцини, се доаѓа до бројка од два милиона дози, вели премиерот Зоран Заев. Според него, проблемот со доценењето на вакцините е глобален и се лоцира кај капацитетите на производителите. По Албанија, сега на ред за фајзеровите вакцините треба да биде Македонија.

„Дефинитивно недоволниот капацитет на продукција и на фајзеровите и на сите други вакцини во светот е причината за доцнењето на вакцините кај нас. Верувам дека се навистина денови во прашање. Нашата земја има преземено сѐ што е неопходно за да може час поскоро да набавиме вакцини", рече премиерот Зоран Заев при денешниот увид на изградба на детска градинка и центар за деца од улица во Шуто Оризари.

Како земја која не е членка на Европската Унија презедовме активности за склучување на договори, потоа со анекс на договорите, па и со уплата на аванси, во поглед на сите производители на вакцини. Се работи и на договарање за вакцините на Астра Зенека, рече Заев.

„Со преземените чекори отидовме и на црвената линија во поглед на количините, па и преку тоа. Последната нарачка е за сто илјади вакцини на Спутник, 200 и 200 илјади вакцини од Кина, 800 илјади вакцини преку ковакс-механизмот, потоа директно склучениот договор за 833 илјади од Фајзер, потоа договорите кои што ги имаме со ЕУ за Западен Балкан... Кога ќе ги правите пресметките поминуваме преку два милиони вакцини, а проценките нѝ беа милион. Значи сме направиле сѐ што требаше да направиме", нагласи премиерот.

Според Заев, од Фајзер најавиле дека прво вакцини ќе добие Албанија, потоа Македонија, па Црна Гора, Косово и БиХ.

„Видовме дека во Албанија стигнаа вакцините, овие денови очекуваме првите пратки од директниот договор со Фајзер да стигнат кај нас", изјави Заев.

Во македонскиот интернет простор постојано се појавуваат и гаснат портали, со што засекогаш исчезнуваат и објавените содржини.

повеќе

Пред неколку недели се наврши една година од почетокот на пандемијата. Ковид-19 ги разоткри системските проблеми во здравствениот систем и другите институционални гранки на Косово.

повеќе

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе