Усвоена преговарачка структура за преговорите со Европската Унија

Владата на Република Македонија денеска одржа тематска едница, на која покрај премиерот Димитар Ковачевски и членовите на Владата, присуствуваше и се обрати и шефот на Делегацијата на Европската Унија во Македонија, Н.Е. Дејвид Гир.

На седницата, премиерот Ковачевски се заблагодари на сите членови за досегашните заложби и трудот вложен во евроинтегративниот пат на Северна Македонија.

Од особено значење за натамошно дефинирање на активностите кои ќе следат беше усвојувањето на ревидирана структура за преговори за пристапување на Република Македонија во Европската Унија, која го дава координативниот механизам за одвивање на преговорите со Унијата.

Информацијата со предлог за ревизија на координативниот механизам на Република Македонија за пристапни преговори со Европската Унија и Одлуката за воспоставување на структура за преговорите беше едногласно усвоена од членовите на Владата.

Новата усвоена структура за преговори ја сочинуваат:

1. главен преговарач за преговори за пристапување на Република Северна Македонија во Европската Унија, кој ја врши заменик-претседателот на Владата на Република Македонија задолжен за европски прашања, Бојан Маричиќ, и

2. заменик на главниот преговарач, која ја врши државниот секретар за европски прашања, кој е воедно и претседавач на комитетот за стабилизација и асоцијација, Дрита Абдиу Халили.

Остануваат телата предвидени во 2019 година и тоа:
• Комитетот за преговори за пристапување на Република Македонија во Европската Унија претседаван од претседателот на Владата како највисоко политичко тело на Владата за координација на пристапните преговори,
• Државната делегација за преговори за пристапување на Република Македонија во Европската Унија, која ќе ја предводи министерот за надворешни работи Бујар Османи,
• Групата за преговори за пристапување на Република Македонија во Европската Унија како стручно тело,
• Работниот комитет за европска интеграција,
• Работни групи за пристапни преговори како помошни тела на Работниот комитет.
Единствен секретаријат на преговарачкиот процес е Секретаријатот за европски прашања (СЕП), со оглед на тоа што надлежностите и улогата на СЕП вклучително и за координација на целокупниот процес на пристапни преговори е регулирана во Законот за Владата.

Дополнително, СЕП се задолжува да биде и депозитар на целокупната документација поврзана со пристапните преговори како и да има координатор во сите работни групи надлежен за методолошките и процесните аспекти и координација со останатите тела на структурата за преговори. Воедно, СЕП презема надлежност и во подготовката на потребните правни акти со кои ќе се дефинираат процедурите на работење на телата.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе