Според членот на бугарскиот дел од комисијата

Топалов: Северна Македонија не сака да влезе во ЕУ под изговор дека Бугарија не ги пушта

Професорот Кирил Топалов, член на Заедничката бугарско-македонска комисија во изјава за БТВ вели дека Белград ја попречува Македонија на патот кон ЕУ, како и дека се потврдила неговата претпоставка дека „Северна Македонија не сака да влезе во ЕУ под изговор дека Бугарија не ги пушта“.

„Белград никогаш нема да ги пушти во ЕУ пред себе, но можеби и Србија, исто така, не сака да влезе во Унијата. Договорот за пријателство и добрососедство, потпишан меѓу Бугарија и Северна Македонија пред четири години, сѐ уште би требало да има ‘тежина‘, бидејќи е официјален договор меѓу две држави и ако се однесуваат сериозно кон меѓународните односи, кон нивната иднина и кон народот, тој би требало се почитува“, додаде тој.

Според Топалов, Северна Македонија за жал не го спроведува договорот.

„Пратениците во Република Северна Македонија изгласаа Резолуција според која Договорот меѓу нашите две земји е бесмислен и ги разнебитува нашите идни односи, бидејќи е чекор назад не само во односите со Бугарија, туку и со Грција. Грчкото општество веќе масовно не го прифаќа Договорот од Преспа и е против него. На Грција ѝ треба само еден обид од Северна Македонија да се врати на ‘антиквизација‘ за да ги расипат односите“, додаде тој.

Како што изјави Топалов, следната седница на Заедничката историска комисија треба да се одржи во втората половина од октомври.

 

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе