Свечена академија по повод Денот на Бошњаците во Македонија

Меѓународниот ден на Бошњаците вчеравечер беше одбележан со свечена академија во Скопје организирана од бошњачките здруженија Форум на Бошњаците, „Шадрван" и „Диван".

Во име на Владата на присутните им се обрати министерот Оливер Спасовски кој истакна дека Бошњаците се составен дел од културното и општественото милје во нашата држава и  дел од концептот „Едно општество за сите“.

„Република Северна Македонија и Босна и Херцеговина, како матица на сите Бошњаци каде и да се наоѓаат, се поврзани со силно партнерство и заеднички стремежи за билатерална и регионална соработка во сите сфери, но и за внатрешна стабилност и развој“, истакна Спасовски.

Честитки до Бошњаците упати и пратеникот Зеќир Рамчиловиќ, кој е единствен пратеник од бошњачката заедница во Собранието.

„Македонија е наша заедничка куќа, иако сме помалубројни, таа немаше да биде така богата доколку Бошњаците не се дел од неа. Влогот и поддршката на прогресивните сили во државата од Бошњаците е огромна, а Бошњаците извршуваа најзначајни функции и ги извршуваа посветено, чесно и транспарентно во интерес на сите граѓани. Искрено верувам дека така ќе биде и во иднина и дека сите заедно ќе продолжиме да работиме и да ја градиме нашата заедничка куќа“, рече Рамчиловиќ.

Претседателот на Форумот на Бошњаците, Енес Шемсовиќ, во поздравниот говор истакна дека Бошњаците се меѓу најсилните кохезивни алки во општеството и поддршка на сите процеси кои ја дефинираа Македонија како суверена и независна држава.

За заслуги во изминатиот период им беа доделени признанија на градоначалниците Аце Коцевски, Висар Ганиу и Блерим Беџети, на реис-ул-улема Шаќир Фетаху и на министерот Оливер Спасовски.

Денот на Бошњаците претходно беше одбележан и во велешко Горно Оризари, со свеченост на која присуствуваше и премиерот Зоран Заев, а по овој повод здружението „Диван”  ја објави збирката поезија „Мостови на пријателство 4″. 

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе