Реакција

Стоилковиќ: Пендаровски и Заев не изразија сочувство по смртта на патријархот Иринеј

Изразување сочувство е дел од домашното воспитување и општествена норма која треба да се почитува, особено ако сте носител на одговорна функција во една држава. Срамно е однесувањето на Стево Пендаровски и Зоран Заев кои не испратија телеграма со сочувство по повод смртта на српскиот патријарх Иринеј, вели во својата фејсбук-порака пратеникот Иван Стоилковиќ, претседател на Демократската партија на Србите во Македонија.

Стоилковиќ потсети дека досега телеграми со сочувство испратија и Путин и Помпео и Макрон и уште многу други политички лидери.

„Сведоци сме дека претходното раководство не само што не се двоумеше да испрати сочувство, туку тогашниот претседател Иванов и лично присуствуваше на погребот на патријархот Павле“, напиша Стоилковиќ.