Стејт департментот за протестите во Скопје: Повикуваме на воздржаност од насилство

САД го почитуваат правото на македонските граѓани на мирно изразување мислења и гледишта и повикаа на воздржаност од секакво насилство на протестите во Скопје, изјавија за МИА од американскиот Стејт департмент.

Оттаму укажаа дека пристапувањето на Северна Мaкедонија во ЕУ е значаен фактор за засилување на безбедноста во Европа и за целокупната колективна безбедност.

„САД е силен поддржувач на интеграцијата на Северна Македонија во ЕУ. Сметаме дека иднината на Западен Балкан е безрезервно во ЕУ. Процесот на проширување промовира долготраен мир, стабилност и просперитет низ целиот регион“, изјави денеска портпаролот на Стејт департментот.

Вашингтон високо ги оценува изјавите на лидерите на ЕУ за важноста на пристапувањето на Северна Македонија во ЕУ кака фактор за засилување на безбедноста во Европа и за целокупната колективна безбедност.

„Го почитуваме правото на граѓаните на мирно изразување мислења и гледишта и ги повикуваме сите на воздржаност од секакво насилство“, укажаа од Стејт департментот.

Потсетија дека Северна Македонија ги сработи основните задачи, и дека сега е време да оди понатаму во следната фаза на процесот за пристапување.

„Со оглед на значајноста на овој процес за земјите од регионот, и пошироко за Европа, ги повикуваме нашите пријатели да ја искористат шансата и да го започнат пристапниот процес“, рече портпаролот.

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе

Ех какво време дојде, да се стремиме кон нула. Уште повеќе, да постигнеме нула.

повеќе

Како да ги зачуваме националните и креативни наследства со помош на вештачката интелигенција?

повеќе