Спасовски од Жеровјане: За македонскиот јазик и идентитет никој нема право да разговара и не разговара

Владата прави напори за на принципиелна основа да се постигне компромис во однос на отворените прашања со Бугарија, но македонскиот јазик и македонскиот идентитет се нешто за кое никој нема право и не разговара во ниту еден момент, за тоа не може да се разговара, порача денеска министерот за внатрешни работи Оливер Спасовски, по посетата на Жеровјане, каде што изврши увид на новата реконструирана зграда за полициското одделение.

Според него, може да се разговара за сите други прашања што претставуваат некаков интерес, меѓутоа не и за прашањата кои се наш идентитет и наш јазик.

„Ние остануваме посветени на нашиот европски пат, ќе направиме сѐ за да ги реализираме овие европски аспирации. Како Влада покажавме во изминатите години дека знаеме да решиме прашања, да затвориме тешки прашања, знаеме да ги отвориме перспективите за граѓаните, меѓутоа тоа мора да биде на принципелна основа, на почитување на едни со други, на помирување едни со други и тоа се принципите на кои ќе мора да работиме и понатаму“, изјави Спасовски.

На новинарско прашање да прецизира во кој дел може да се направи компромисот со Бугарија во преговорите, Спасовски рече дека во изминатите три години „подготвени сме на компромиси што се на принципиелна основа, а компромиси не може да има за ништо друго освен за тоа дека треба да се помириме и да ја гледаме нашата перспектива во иднина“.

„Историјата ќе ја оставиме на историчарите и тие нека разговараат за тоа што се случувало во минатото. Ама не смееме да останеме заробени во минатито, туку треба да гледаме во иднината. За нас како Влада, за мене лично како политичар е многу важно каква перспектива ќе оставиме на нашите деца, на младите генерација. Кон тоа треба да бидеме насочени“, додаде тој.

На прашањето дали бугарското „не“ за почеток на преговори со ЕУ може да влијае врз безбедносната состојба, Спасовски вели дека нарушување на безбедносната состојба нема и не може да има.

 

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе