Спасовски нема коментар за викенд-карантинот, Владата ќе одлучува во 17 часот

Премиерот Оливер Спасовски денеска соопшти дека на владина седница попладне во 17 часот, ќе се одлучува колку ќе трае карантинот за претстојниот продолжен викенд и рече дека одлуките во однос на ситуацијата со коронавирусот се носат исклучиво врз основа на оценките на науката, на стручните луѓе и во тој контекст сите партии имаат речиси идентичен став, освен претставникот на опозицијата.

„Има препорака пред три дена од Комисијата за заразни болести во однос на карантинот, но за денеска одлучив да ја закажам седницата на Владата. Нема други причини, ниту недоразбирања, ниту различни ставови, прилично сме унисони дека треба да носиме одлука верз основа на науката, а не врз основа на политиката. Скоро 100 отсто, освен претставникот на опозицијата. И досега, не само што се повикувавме, туку и го носевме одлуките врз основа на стручните луѓе“, рече Спасовски.

Спасовски, одговарајќи на новинарско прашање рече дека државата ги носи мерките без притисок.

„Од државата нема посилен никој, ни политичари, ни функционери, ни верски лидери, ни некоја институција. Државата ги носи одлуките и управува со системот. Ако му паднало на памет дека ќе врши притисок, треба да знае дека нема никако подлегнување на притисок. Мерките се во интерес на државата и на граѓаните“, рече Спасовски.

 

Она она што го нудат медиумите во времето на ковид-19 покажа колку тие не се подготвени за да известуваат во време на криза, а кризите ги има сè почесто.

повеќе

Доколку нешто радикално не се промени, не можеме да очекуваме дека нашата економија брзо ќе се нормализира и ќе излезе од сегашната криза.

повеќе

Како да разликуваш дали „Македонец” означува етничка припадност или државјанство? Според потребата на моментот!

повеќе