ВО ОПШТИНА СТРУМИЦА

Советникот Витанов ја напушти ВМРО-НП, како независен ќе стои зад СДСМ (ВИДЕО)

Советникот од ВМРО-НП Мето Витанов се повлече од партијата, но како независен советник ќе го поддржува СДСМ во Советот. Истовремено, иако викендов соопшти дека ќе ја поддржи советничката група на ВМРО-ДПМНЕ во општина Струмица, сега Витанов го демантира тоа.

Витанов во денешната изјава вели дека бил изманипулиран од централното раководство на ВМРО-Народна партија, и затоа изглегува од партијата и мандатот ќе го одработи како независен советник.

„Јас како советник на ВМРО-НП, која до вчера коалицираше со СДСМ, сум грубо изманипулиран од мојата партија по одлуката да коалицира со ВМРО-ДПМНЕ во советот. Поради несериозноста, давам оставка, мандатот ќе го работам како независен и ќе ја поддржам советничката група на СДСМ“, вели Витанов.

Денеска се огласи и претседател на Општинскиот комитет на ВМРО-НП, Ристо Пецев, со изјава дека градскиот огранок стои зад неговата одлука и му даваат целосна поддршка.

Реакцијата следува откако советникот од ВМРО-ДПМНЕ Зоран Пакетов викендов на прес-конференција, на која беше присутен и самиот Витанов, изјави дека тој преминал во коалиција со советничката група на ВМРО-ДПМНЕ и дека СДСМ го загубил мнозинството во Советот на општина Струмица. Тој побара итно да се одржи седница и да се избере нов претседател на Советот, како и нов градоначалник.

Поимањето на несомнената поддршка на ЕУ е најкомплицирано од перспектива на Република Македонија.

повеќе

Спортскиот амбасадор Лазаров покажа слаб дипломатски имунитет кон политиканството.

повеќе