„Ќе видиме како ќе се одвиваат настаните по изборите“

Соработката на Беса со Алијанса за Албанците е за локалните избори, вели Хоџа

Движењето Беса останува на ставот дека е потребна соработка со Алијанса за Албанците за да може на локалните избори да се победат кандидатите од ДУИ, изјави генералниот секретар на Беса и шеф на изборниот штаб, Арјанит Хоџа.

На прашањето дали Беса би поддржала ново парламентарно мнозинство, како што се најавува последните денови, Хоџа вели дека тоа ќе зависи од развојот на настаните на политичката сцена по локалните избори.

„Ние остануваме цврсто на нашата определба заедно со Алијанса за Албанците да ги победиме ДУИ во општините каде учествуваме во втор круг. Ова се локални избори, легитимитетот за парламентарни избори односно за нова влада доаѓа од парламентарни избори. Останува на времето да видиме по изборите како ќе се одвиваат настаните и како ќе се движи политичката сцена“, рече Хоџа.

Сега, според него, се зборува таксативно за локални избори и тоа треба да е тема. „Ова што се случува не е првпат. Во 2017 година ние бевме опозиција, а Алијанса за Албанците беше власт и тогаш имавме слична соработка. Тоа не е нешто што треба да се коментира во такви насоки, зборуваме за локални избори во интерес на локалната власт. На крај на краиштата станува збор за интерес за градовите, а не за политичките партии“, додаде тој.

Хоџа не ја коментираше изјавата на претставници од Алтернатива, кои се во коалиција со Алијанса за Албанците, дека не треба да се даде поддршка за ниту една партија која е дел од власта, додавајќи дека не би сакал да ја нарушува атмосферата од она што било постигнато со Алијанса за Албанците.

„Не би сакал да коментирам изјави кои одат на нивна штета. На крајот на краиштата очигледно е дека со сила може да земеш, а не да дадеш. Ако нема потреба од нашите гласови во Чаир остануваме тие тоа да го одредат во нивните политики“, рече Хоџа.

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе