ПРЕС НА СПЕЦИЈАЛНОТО ЈАВНО ОБВИНИТЕЛСТВО

СЈО поднесува две обвиненија

На денешната прес-конференција на Специјалното јавно обвинителство, на која во тек е презентација на вториот шестмечесен извештај од неговата работа, специјалната обвинителка Катица Јанева соопшти дека СЈО ќе поднесе две обвиненија за кривични предмети.

Првото обвинение е поврзано со незаконско уништување документација од системите на прислушување, односно се однесува на 2.047 уништени службени списи, за кое СЈО товари 7 лица, а второто произлегува од досега објавените прислушувани материјали и се однесува на случајот со протестите пред општина Центар во јуни 2013.

СЈО очекува осудителни пресуди за двете обвиненија.

„Првиот предмет е од огромно значење на мандат на ова Обвинителство. Се работи за уништување на документација. Преземајќи истражни дејствија за тоа кој и зошто неовластено прислушувал, Обвинителството прибави доказен материјал и за други кривични дела. Од доказите произлезе дека првообвинетиот незаконито формирал Комисија и 2.047 службени списи биле уништени. Според доказите, првообвинетиот издал усна наредба за годишно ништење на материјали, иако законските акти не дозволуваат обвинетиот да формира таква комисија. Целта била да се уништат списите поврзани со работата на системите за следење на комуникациите. Целото ништење е направено спротивно на сите службени акти, и обвинетите лица без никаква процедура за ништење ги запалиле материјалите“, изјави обвинителката Фатиме Фетаи.

Во вториот предмет, СЈО отвора обвинение по телефонски разговор содржан во прислушуваните материјали што ги објави опозицијата.

„Разговорот е воден откако веќе била закажана седница на Советот на општина Центар. Произлезе сомнение за поттикнување насилство. Ова јавно обвинителство презеде низа активности дали содржината на снимката има своја завршница. Поради наведените причини беа прибавени голем број видеозаписи, материјални докази, а беа испитани и 20 сведоци. Дел од сведоците побараа заштита“, рече Фетаи.

Обвинението е поднесено против 14 лица за насилство: 5 лица се обвинети како поттикнувачи, а 9 лица како директни извршители на насилството.

„Од доказниот материјал произлезе дека во јуни првообвинетиот побарал, а второобвинетиот прифатил да извршат грубо насилство спрема градоначалникот на општина Центар. Анализите што ги направи ова Обвинителство упатуваат на тоа дека мотивите на првообвинетиот за ова се чисто лукративни, за остварување на бизнис-интересите на партискиот врв“, рече обвинителката.

„Секој што се огрешил од Кривичниот законик на Република Македонија ќе одговара“, рече Фетаи.

Катица Јанева изрази спремност да го презентира извештајот пред Советот на јавни обвинители и во Собранието на Република Македонија. Специјалната јавна обвинителка денеска апелираше до Собранието да ги донесе измените на Законот за заштита на сведоци, за да може СЈО да навлезе во сржта на предметите „Мартин Нешковски“, „Монструм“ и „Сопот“.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе