Тој документ, кој се смета за основачки текст на модерната демократија, установува дека кралот и неговата влада не се над законот.
Еколошката група „Само запрете ја нафтата“ (Just Stop Oil), која се залага земјите да ја прекинат употребата на фосилни горива до 2030 година и чии претставнички беа уапсени, објави видео од нападот и рече дека тие потоа една на друга си ги залепиле рацете со селотејп.
🚨 BREAKING: JUST STOP OIL BREAK MAGNA CARTA GLASS
🔥 Reverend Dr Sue Parfitt, 82, and Judy Bruce, 85, then glued their hands together, demanding an emergency plan to just stop oil by 2030.
✈️ Donate to help us take action at airports this summer — https://t.co/R20S8YQD1j pic.twitter.com/uYMsvULce2
— Just Stop Oil (@JustStop_Oil) May 10, 2024
Британската библиотека, која има два од четирите зачувани примероци на документот „Магна карта либертатум“, преку мрежата Икс објави дека ја затвора галеријата во трезорот каде што тој е изложен.
Магна карта либертатум инспирираше многу фундаментални правни текстови, вклучително и Уставот на САД од 1787 година и Универзалната декларација за човекови права од 1948 година.
Жените што ја оштетија витрината во соопштение рекоа дека го нападнале тој документ за да ја „нагласат опасноста од климатските промени“ и дека „Магна карта со право се цени бидејќи е од големо значење за нашата историја, нашите слободи и нашите закони, но нема да има слобода, правда и права ако дозволиме климатските нарушувања да станат катастрофата што сега се заканува“.
Џуди Брус (85) рече дека „тој познат документ се занимава со владеењето на правото и противење на злоупотребата на власта, а нашата влада ги крши сопствените закони“, а свештеничката Сју Парфит (82) рече дека како христијанка е принудена да направи сѐ што може за да ги „ублажи страшните страдања што доаѓаат и што веќе пристигнаа“.