Седми ден протест против францускиот предлог

Илјадници граѓани вечерва повторно го почнаа протестниот мaрш пред Владата, продолжија пред Министерството за правда, а во моментов се пред зградата на Собранието. И вечерва главната порака за францускиот предлог е – „Ултиматум не, благодарам“.

Фото: Роберт Атанасовски

Учесниците стигнаа пред Министерството за правда каде ги поставија транспарентите „Ова е Устав“, „Ова е тоалетна хартија“, „Ова се лисици“ и „Ова е Јустицијата, знаете што следи“.

Демонстрантите, поддржани главно од опозициските партии, се против францускиот предлог за решавање на спорот со Бугарија и почеток на преговорите со ЕУ.

Развиорени се македонски знамиња, а дел од учесниците на маршот имаат маички на кои е напишано „НЕ“, како и „Навиваме за Македонија“.

На транспарентите пишува „Сепак ние ќе победиме“, „Стоп за бугаризација“, „Со фашисти не преговараме“...

Иницијативата „Ултиматум нe, благодарам“ денеска преку соопштение до медиумите повика на масовност и на мирно и достоинствено протестирање.

Вчера, поради муслиманскиот празник Курбан Бајрам протест не се одржа, а не се организираше ниту во петокот кога незадоволството беше изразено преку блокади во Скопје, на булеварот пред Владата, како и на магистралните патишта Штип – Велес, Струмица – Радовиш и Плетвар – Прилеп.

Легенда под Главна слика

Фото: Роберт Атанасовски

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе