СДСМ: Мицкоски нема план и нема став, Апасиев го зема во заложништво

Левица и Димитар Апасиев, со опасниот популизам, со својата анти-НАТО и анти-ЕУ потпалувачка реторика е фактор кој работи на загрозување на европскиот пат, пишува во дел од соопштението на вледеачката партија, СДСМ. Оттаму тврдат дека опасноста е присутна и е сѐ поголема затоа што оваа партија, Мицкоски и ВМРО-ДПМНЕ ги зема како нивни заложници.

Фото: СДСМ

„ВМРО-ДПМНЕ е целосно идеолошки обезличена а Мицкоски е слаб, нема став, нема визија и нема државничко чувство. Мицкоски и ВМРО-ДПМНЕ немаат план, а тоа го признаваат и високи функционери на партијата. Левица со своето дејствување стана десница и ги зема во целосно заложништво Мицкоски и ВМРО--ДПМНЕ. Таквите потпалувачки политики може да ја уништат иднината на земјата и да го попречат европскиот пат, но тоа СДСМ нема да го дозволи. СДСМ има обврска да го држи кормилото на државата во вистинскиот, европски правец и да ги спречи сите обиди за негово загрозување, затоа што постојат закани на европскиот пат на земјава“, велат од СДСМ.