„Како да го дестабилизирате Балканот? Повикајте на менување на границите... А да покажевте малку основна пристојност, интегритет и одговорност?“, напиша Димитров во порака до Рорабакер.
„Велите дека Балканот е стабилен? Јас само им сугерирав на македонските народи... ако не можат да се согласуваат, нека го следат примерот на Чесите и Словаците“, му одговори Рорабакер.
„Не дека ние немаме проблеми, но сугерирањето на менување на границите е рецепт за катастрофа - тоа не може да се направи мирно“, возврати Димитров.
@Dimitrov_Nikola U say Balkans R stable? Mine was suggestion 2 Macedonian people.. If they can’t get along let them follow Czechs & Slovaks
— Dana Rohrabacher (@DanaRohrabacher) February 8, 2017
@DanaRohrabacher We have our share of problems, but to suggest redrawing of borders is a recipe for disaster - it can't be done peacefully.
— Nikola Dimitrov (@Dimitrov_Nikola) February 8, 2017
Републиканскиот конгресмен, за кого Политико пред два месеци напиша дека му е омилениот конгресмен на Путин, неделава рече дека Македонија не е држава и предложи таа да се подели меѓу соседите.
На прашањето дали администрацијата на новоизбраниот претседател на САД Доналд Трамп ја поддржува идејата на Рорабакер, тој рече дека има влијание врз американската надворешна политика и дека во иднина на седници на Комитетот за надворешни прашања ќе се разговара и за прашањето на промена на границите на Балканот.
