Независниот пратеник прогнозира

Реџепи: Јас гласав против партискиот став, така и од ВМРО-ДПМНЕ ќе гласаат за уставни измени

Кастриот Реџепи, пратеникот токму поради кого опозицијата минатата година не успеа да обезбеди доволно гласови за да се урне Владата, прогнозира дека владејачкото мнозинство ќе обезбеди гласови и од пратеници на ВМРО-ДПМНЕ за да се направат уставни измени со цел, како што нагласува, да продолжи евроинтегацискиот пат на земјава. „Не значат ништо нивните потписи ставени пред нотар дека нема да гласаат“, вели Реџепи.

Поранешниот пратеник на опозициската Беса, кој сега функционира како независен пратеник и е практично дел од владејачкото мнозинство, вели дека во Собранието ќе се обезбеди двотретинско мнозинство за уставните измени кои, нагласува, се неопходни за отворање на поглавјата со Европската Унија.

„Верувам дека ќе обезбедиме мнозинство. Како што јас тогаш се изјаснив поинаку од одлуката на мојата политичка партија (иако немаше одлука од партиските органи), така исто мислам дека има совесни пратеници кои ќе го искористат загарантираното право на глас според сопственото убедување", вели Реџепи.

И покрај тоа што на опозицијата ѝ се потребни 8 пратеници од македонската опозиција, а кои всушност потпишаа на нотар дека нема да гласаат, Реџепи е убеден во поинаков исход и вели дека нивната нотарска изјава не значи ништо.

„Потписите немаат правна сила. Политичката волја е нешто што може да се промени во зависност од околностите", рече Реџепи.

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе