Национална кампања

„Подај рака и промени живот-стани згрижувач“: Бројот на деца без родителска грижа е се поголем

„Подај рака и промени живот-стани згрижувач е слоганот на кампањата за промоција на згрижување која има за цел да се зголеми бројот на згрижувачки семејства во нашата држава. Националната кампања се спроведува од страна на СОС Детско село во соработка со Министерството за труд и социјална политика и локалната власт и со поддршка од Германското Министерство за економски развој и соработка. 

Вчерашниот прв настан го означи почетокот на кампањата, а на настанот говореа истакнати личности од областа на социјалната заштита и сите упатија апел до присутните да подадат рака, да ги променат животите на децата и да станат згрижувачи.

Бројот на деца без родителска грижа и оние во ризик да го изгубат сопственото семејство е голем и потребни се повеќе згрижувачки семејства за секое дете да може да биде заштитено од насилство и злоупотреба, да има стабилно домување и згрижувач.

Во наредниот период, па се до крај на годината ќе се организираат слични настани и во други 24 градови низ Македонија, од кои во првото полугодие ќе бидат опфатени Валандово 3ти јуни на плоштад Валандово со почеток од 19.30 часот, Гевгелија 07ми јуни во Младински Театар Гевгелија со почеток од 19.30 часот, Велес 13ти јуни во Младински парк Велес со почеток од 18.30 часот, Штип 21ви јуни на Плоштад Слобода со почеток од 18.30 часот, Битола 24ти јуни на Плоштад Магнолија со почеток од 18.30 часот,  Кавадарци 28ми јуни на Графски плоштад Кавадарци со почеток од 18.30 часот, Струмица 1ви јули на Плоштад Гоце Делчев со почеток од 19.30 часот, Неготино 7ми јули на Градски плоштад Неготино со почеток од 18.30 часот. 

Настаните првенствено се наменети за сите заинтересирани граѓани со потенцијал да станат згрижувачи, кои преку промотивни материјали и директни консултации со стручни лица граѓаните ќе можат да се информираат повеќе за згрижувањето. Згрижувачите добиваат услуга на стручна помош и поддршка преку центри за поддршка на згрижувачки семејства, но и месечен надомест за згрижено дете, надомест за згрижувач, како и други бенефиции согласно потребите на децата за кои се грижат.

На настанот се упати апел до граѓаните да се охрабрат и да го отворат својот дом за децата на кои им е потребна грижа со слоганот „Подај рака и промени живот-стани згрижувач“.

Истовремено по традиција, со оглед на тоа што на 1ви јуни во нашата држава се обележува и денот на згрижувачите, се оддаде признание за сите 353 згрижувачи за нивната посветеност, љубов, добрина, хуманост и за значајната разлика која ја прават во животите на вкупно 527 деца и млади. "

Сите заинтересирани граѓани кои нема да имаат можност да дојдат на некој од настаните повеќе информации како да станат грижувач ќе можат да добијат на телефонскиот број 075 277 477 и веб страната www.zgrizuvanje.mk

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе