Почнуваат преговори за влада, прва средба Заев-Ахмети

Мандатарот и претседател на СДСМ Зоран Заев, денеска, но и во текот на викендот, според најавите, ќе има интензивни средби со идните коалициски партнери ДУИ и Алијанса за Албанците за да се дефинираат контурите на новата влада и поделбата на ресорите. 

Заев ќе има средби и со претставници од Движењето Беса како потенцијален владин партнер, чие што учество во владата е најнеизвесно.

Во моментов политичките партии за кои се очекува да бидат дел од владината коалиција не ги откриваат првичните позиции со кои ќе влезат во меѓупартиските преговори и сѐ што досега се споменува велат дека е во доменот на шпекулации.

Заев најави дека сака брзо да биде формирана влада, дури и за помалку од десет дена од доделувањето на мандатот. Законскиот рок за поднесување предлог до Собранието за составот и програмата на владата е 20 дена од доделувањето на мандатот и истекува на 6 јуни, но целта на парламентарното мнозинство е договорот да биде постигнат многу порано.

Според неофицијалните информации, коалициските партнери и претходно зборувале за распределба на ресорите, но и за тоа кандидатите за министерски места да не се лица опфатени во истрагите на СЈО. Овој став го застапува Движењето Беса од каде што неколку пати рекоа дека не сакаат да бидат во ист владин кабинет со лица кои се под истрага на СЈО.

 

Постојат кафе барови каде стои натпис дека немаат интернет па препорачуваат луѓето да си прават муабет како порано. 

повеќе

Заев рече дека не му се допаѓа како соседните земји реагирале на кризата во Македонија и власта во Србија ја нарече „националистичкото раководство на Вучиќ“, па во Белград предизвика епидемија од паѓања во несвест од изненаденост и навреденост. Хм, во што е точно проблемот?

повеќе

Луѓето се лутат што бизнисмените не реагирале или недоволно критикувале за лошите владини потези во минатото. Од нивна перспектива - веројатно со право.

повеќе