Софија

Петков се подготвува за нова независна влада и вели дека Радев не бил конструктивен на темата Македонија

Не е време да кажам кои ќе бидат новите министри, кога претседателот на Бугарија Румен Радев, ќе ѝ го додели мандатот на мојата партија Промените продолжуваат, изјави за Нова ТВ премиерот во оставка Кирил Петков.

Според Петков, јавува дописникот на МИА од Софија, нема подобар вицепремиер и министер за финансии на Бугарија од Асен Василев, кој ги фатил обидите за кражба на пари од досегашниот министер за регионален развој Гроздан Караџов, кој е од партијата на Слави Трифонов.

Петков кажа дека неговата партија ќе испрати покана до сите пратеници од партијата на Слави Трифонов Има таков народ и ќе ја претстави својата програма за следните шест месеци и за една година. Според него, ако успеат да соберат 121 пратеник, Бугарија за првпат ќе има независна влада и заднинските игри нема да може да влијаат на нејзините активности, како што беше случајот со партијата Има таков народ.

Бугарскиот претседател Румен Радев ниту еднаш не ѝ помогнал на владата и постојано ја критикувал, коментира Петков.

„Радев немаше конструктивна улога ниту на темата Северна Македонија“, дециден беше Кирил Петков.

Премиерот во оставка коментираше дека не го разбира Радев и дека за вакви важни национални прашања сите требало да седнат и да одлучат што да прават по ова важно прашање, бидејќи имало многу добар предлог од француското претседателство со ЕУ, кој ги штити интересите на Бугарија.

„Дали ГЕРБ и Бојко Борисов ќе се вратат на власт во Бугарија зависи од луѓето на улица и гласачите“, коментира Кирил Петков. 

Потписниците на нотарските изјави дека нема да гласаат за измените на Уставот се подложни на промени за материјално благо.

 

повеќе

Здруженост, сплотеност и поврзаност на луѓе, друштва, организации и институции кон една заедничка цел или поради заедничка причина. 

повеќе

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе