Пендаровски – Мета: Деблокирање на процесот за преговори со ЕУ за напредок и стабилност на регионот

Севкупните билатерални односи меѓу Македонија и Албанија и евроинтеграциите на двете земји беа главните теми на денешната средба на претседателите Стево Пендаровски и Илир Мета во Скопје.

„Беше изразено задоволство од нивниот позитивен развој, преку конструктивна соработка и размена на посети на највисоко ниво. Република Северна Македонија и Република Албанија, преку посветеноста на добрососедските односи, даваат силен придонес за просперитетот, стабилноста и безбедноста на регионот, како и за неговата европска перспектива. Двете држави, како сојузници во НАТО, даваат свој придонес и во одбраната на вредностите на евроатлантската заедница“, соопшти Кабинетот на Пендаровски за средбата.

Во однос на аспирациите за членство во Европската Унија, двајцата претседатели, како што се наведува во соопштението, ја констатираа потребата од деблокирање на процесот и скорешен почеток на пристапните преговори на двете држави за членство во Унијата што, според нив, ќе има позитивен придонес за севкупниот напредок и стабилноста на регионот.

Претседателот Пендаровски упати честитки по повод изборот на Република Албанија за непостојана членка на Советот за безбедност на Обединетите нации во периодот 2022-2023 година.

 

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе