Телефонски разговор

Пендаровски до Порфирије: Одлуката на СПЦ можност за надминување на горчливите теми од минатото

Претседателот Стево Пендаровски остварил телефонски разговор со поглаварот на Српската православна црква, патријархот г. г. Порфириј, по повод донесената одлука од Соборот на Српската православна црква за прифаќање на автокефалноста на Македонската православна црква – Охридска архиепископија. Како што соопшти кабинетот на шефот на државата, Пендаровски му се заблагодарил на патријархот за одлуката, оценувајќи ја како можност за градење нови релации меѓу македонската и српската црква и за надминување на горчливите теми од минатото.

„Во разговорот, претседателот Пендаровски изрази надеж дека целиот процес на признавање на автокефалноста на Македонската православна црква – Охридска Архепископија ќе заврши со скоро потпишување на Томосот од Вселенскиот Патријарх г.г. Вартоломеј, што ќе п идонесе за исполнување на еден од нашите национални интереси и за напредок и помирување во македонското општество“, се наведува во соопштението.