Османи во Јапонија, ќе организира и бизнис форум

Министерот за надворешни работи, Бујар Османи, на 30 и 31 мај ќе престојува во работна посета на Јапонија, на покана на јапонскиот министер за надворешни работи, Јошимаса Хајаши, а целта на посетата, како што соопшти МНР, е унапредување на билатералните односи меѓу Македонија и Јапонија, со посебен акцент на економската соработка и бизнис релациите.

Покрај средбата со Хајаши, министерот Османи ќе биде примен од престолонаследникот на Јапонија, принцот Акишино, а ќе има одвоени средби со спикерите на Домот на претставници и Домот на советници при Парламентот на Јапонија, Хиројуки Хосода и Акико Санто.

 Во рамките на економскиот сегмент на посетата, Османи ќе организира бизнис форум со Јапoнската организација за надворешна трговија - JETRO, каде ќе ги презентира поволностите за инвестирање во Македонија пред истакнати јапонски компании како Хонда, Митсубиши, Нипон Коеи и сл. Дополнително ќе има средба и со министерот за Осака EXPO 2025, Кенџи Вакамија.         

Целта на посетата е унапредување на билатералните односи меѓу Македонија и Јапонија, со посебен акцент на економската соработка и бизнис релациите, а ќе се разговара и за актуелната безбедносна состојба во европскиот континент и Индо – Пацификот, надворешно-политичките приоритети на двете земји, како и за актуелните меѓународни прашања и регионални теми.

Османи од Токио ќе отпатува за Вашингтон, каде ќе ја предводи владината делегација во рамките на Стратешкиот дијалог меѓу Северна Македонија и САД.

 

 

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе