Не присуствуваше на Комисијата за надворешна политика

Османи: Не сум спремен да бидам дел од дневнополитичка драма и хистерија за сензитивни теми како прашањето со Бугарија

Отворен сум да разговарам со опозицијата за кое било прашање, особено за сензитивните прашања и оние што се од државен интерес, но не сум спремен да бидам дел од дневнополитичка драма и хистерија за вакви сензитивни теми, како што е надминување на разликите меѓу Скопје и Софија, вели министерот за надворешни работи Бујар Османи.

На денешната прес-конференција, одговарајќи на прашањето околу неговото и присуството на вицепремиерот Никола Димитров на собраниската Комисија за надворешна политика, Османи кажа дека е спремен со опозицијата да се сретне во МНР или во нивното седиште, но, како што рече, ниту со нашата, ниту со бугарската опозиција нема намера да влегува во јавен политички дискурс.

„Барам разбирање од граѓаните, ова не е избегнување на транспарентност и комуникација, но сметам дека во оваа оптоварена атмосфера на емоции таквата расправа нема да донесе ништо конструктивно во овој период. Но спремен сум во кое било време и каде било да разговарам со опозицијата“, додаде Османи.

Претседателот на собраниската Комисија за надворешна политика на седницата што ја закажа за денеска повторно ги покани и Османи и Димитров во врска со разговорите со Бугарија, но и двајцата не се појавија.

Претседателот на Комисијата, Антонио Милошоски од ВМРО-ДПМНЕ, на седница се појави со „макета" од Димитров, а на Фејсбук напиша дека „Собранието, и во членките на ЕУ и во Македонија, секогаш било место за демократска расправа меѓу министрите и пратениците, за најважните национални прашања“.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе