Љупчо Николовски не кажа дали останува на функција во новата Влада

Вицепремиерот задолжен за борба против корупцијата и криминалот, одржлив развој и човечки ресурси, Љупчо Николовски денеска не прецизираше дали ќе остане на функцијата и во новата Влада. Во изјава за медиумите, Николовски рече дека најважно е што државата останува на патот на евроинтегрирањето.

Целокупната енергија беше фокусирана на обезбедување на стабилно мнозинство, кое што, ќе ги продолжи клучните процеси, кои што се започнати, а тоа е брза трансформација на општеството, европеизација, односно сето она што го имаме преземено како обврска пред граѓаните. Да не се враќаме назад, туку државата да го заокружи процесот на почеток на преговорите и токму во тој наратив и дух е склучениот договор со Алтернатива и обезбедено стабилно и сигурно мнозинство, кое ќе ги продолжи овие процеси во следните две и пол години, изјави Николовски.

Како кабинет, посочи Николовски, се додека е на позицијата ќе прави притисок сите проекти и мерки за враќање на довербата на граѓаните во системот да бидат имплементирани.

„Со мнозинството, кое е обезбедено, навистина го осигуравме тој пат. Јас мислам дека тоа е побитно, од тоа дали некој ќе биде на некаква позиција. Во натамошниот период секако дека ќе се отворат и прашањата и за мандатар и тогаш ќе бидат отворени и прашањата за составот, структурата и за перформансот потребен во новата Влада и тогаш ќе разговараме со мандатарот за она што е потребно да продолжиме да го трансформираме општеството“, изјави Николовски.

Во однос на поразот на локалните избори, Николовски рече дека на локалните избори граѓаните бираат проекти и луѓе кои што се за општините, и дека пред само 11 месеци, како шеф на централен изборен штаб објабил голема победа на СДСМ и Коалицијата, која денеска е зголемена.

„Таа коалицијата денеска има зголемен број пратеници во Собранието и ќе продолжи во следните две и пол години без избори да го трансформира општеството, да носи европски вредности, да започнат преговорите со ЕУ и да продолжат успесите постигнати во изминатите години. Само тоа е битно, ничија друга политичка кариера не е повеќе битна од тоа што треба да го одработиме за грѓаните“, изјави Николовски.

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе