Бојкот од опозицијата

Николоски: Му свртевме грб на Пендаровски, не е наш претседател

Пратениците од ВМРО-ДПМНЕ го бојкотираа годишното обраќање на претседателот на државата Стево Пендаровски, иако на почетокот на седницата беа во собраниската сала. Но, кога почна обраќањето со транспаренти застанаа пред него и му порачаа „Не е мој претседател“, „Стево, слуга на Заев“, „Заев: Стево е неискусен политичар“...по што ја напуштија салата.

Одлуката за бојкотирање ја образложи потпретседателот на ВМРО-ДПМНЕ, Александар Николоски во изјава за медиумите во Собранието.

„Стево Пендаровски докажа не е претседател на сите граѓани, туку само извршител на една политичка структура и на Зоран Заев. Со тоа Пендаровски им сврте грб на македонските граѓани. Затоа денеска пратениците на ВМРО-ДПМНЕ и коалицијата му свртеа грб нему и ја напуштија собраниската сала каде што тој имаше обраќање.

Второ, Стево Пендаровски е прв којшто кажа дека нашиот национален херој Гоце Делчев е Бугарин и со тоа ги сруши македонските национални позиции. Ја отвори Пандорината кутија, ги оневозможи историчарите на научна основа да разговараат за историјата, во преговорите за историјата внесе политика и драматично ги поткопа темелите на македонската самобитност, македонскиот национален идентитет, самобитноста на македонскиот јазик и посебноста на македонската историја“, рече Николоски

Тој го обвини дека не кажал ниту збор за изјавите на Заев дека Бугарија била ослободител, не се консултирал со никого за стратешки работи како што е приклучувањето на Македонија во Европската економска зона и на крајот „без постоење на елементарен доказ за мнозинство му го доделил мандатот на Заев кога тој самиот кажал дека нема 61 потпис.

„Затоа нема легитимитет да се претставува како претседател“, рече Николоски и додаде дека ВМРО-ДПМНЕ ги продолжува замрзнатите односи со Пендаровски.

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе