„СТОП ЗА ЦЕНЗУРАТА!“

„Не ја даваме вистината!“ Утре протест пред Собранието поради предлогот да се забранат бомбите

Утре во 18 часот пред Собранието на Република Македонија граѓанското движење „АЈДЕ!“ најави протест поради најавениот предлог-закон за забрана на објавување на т.н. опозициски бомби со кои се инкриминира власта.

„Стоп за цензурата! Не ги даваме бомбите! Не ја даваме вистината! Стоп за фашистички закони! нема да ви помине!“, напиша движењето во повикот на Фејсбук.

ВМРО-ДПМНЕ и ДУИ предложија закон за бришење на сите досега објавени „бомби“ на СДСМ, односно за прислушуваните материјали, а казната за секој што не би го почитувал законот да биде четири години затвор.

Во предложениете законски одредби индиректно се предлага порталите да ги тргнат од своите веб-страници сите досега објавени текстови поврзани со материјалите од прислушуваните разговори што ги објави СДСМ, што се однесува и на досега необјавените прислушувани материјали што треба да бидат предадени на специјалниот јавен обвинител.

Предложеното законско решение се фокусира на аудиовизуелниот/радиодифузниот сектор, игнорирајќи ги последниве две децении на развој на дигиталниот домен и на интернет, со сите негови позитивни и негативни страни.

повеќе

Според последното истражување на организацијата ПИНА, базирано врз анкети направени со 103 новинарки, 24,1% од новинарките добиле закани за физичко насилство, а 19,5% и закани по животот.

повеќе