На земја заврши дел од фасадата на Владата вредна 8 милиони евра

Потпретседателот на СДСМ, Стефан Богоев, објави фотографии на неговиот Фејсбук профил на кои се гледа дека дел од горниот дел од фасадата на владината зграда паднал во тревникот кај објектот. Најголема штета е видлива кај украсните елементи, на ѕидот на една од кулите. Криминалот на режимот на ДПМНЕ уште го плаќаме", напиша Богоев. Од фасадата на Владата отпадна големо парче од стиропорот кој беше платен 8 милиони евра.

Основното јавно обвинителство за гонење на организиран криминал и корупција веќе има донесено Наредба за спроведување на истражна постапка за фасадата на зградата на Владата. Опфатени четири лица кои ја злоупотребиле својата положба и овластување при реализација на договорот за изведување на градежни работи.