ВМРО-ДПМНЕ најавува нов протест

Мицкоски најави протест за Делчев: Гоце е столбот на македонизмот!

Владата преговара за Делчев, а очите на јавноста се далеку од тоа што за нашата земја е суштински важно. Нашите историчари заслужуваат поддршка, затоа што Гоце е столбот на македонизмот, пишува лидерот на ВМРО-ДПМНЕ, Христијан Мицкоски на својот Фејсбук-профил и најави протест во вторник во 18,30 часот. Реагираше и премиерот Заев: „Мицкоски и Делчев не одат заедно, Мицкоски е бранител на криминал и неправда“.

Прашањето за договорот со Бугарија се актуализираше, откако бугарскиот министер за одбрана, Красимир Карачанов рече дека Бугарија ќе го блокира македонскиот пат кон ЕУ ако нема напредок по историските прашања

Мицкоски најави дека маршот вели ќе почне од Министерството за правда, ќе продолжи по мостот „Гоце Делчев” и ќе заврши пред Министерството за надворешни работи.

 

„Ова е протест на народот, целта е за ЕУ, за Македонија, за Делчев. Гоце е црвената линија за нашето достоинство. Се гледаме!“, напиша Мицкоски.

Минатата недела партијата организираше два протеста против поскапувањето на струјата.

На оваа најава на Мицкоски реагираше и премиерот Зоран Заев. „Делчев е борец за социјална правда, а Мицкоски е бранител на криминал и неправда. Тие двајца никако не одат заедно. Тоа на Мицкоски му го порачаа и граѓаните на Делчево каде ВМРО-ДПМНЕ изгуби со повеќе од 1.000 гласови разлика на последните избори“, напиша Заев на својот фејсбук-профил.

 Претходно Заев на прашањето дали би прифатил Гоце Делчев да биде Бугарин ако е тоа гаранција за влез на Македонија во ЕУ, одговори: „Јас сум оптимист. Верувам дека ќе се најде решение со Бугарија, со кое двете страни ќе излезат победници. Македонската страна е подготвена да се најде решение и за Гоце Делчев. Треба со пријателите пријателски и верувам дека ќе изнајдеме решение. Треба двете страни да бидат среќни. Не да биде поразена Бугарија, ниту Северна Македонија, и Македонците кои зборуваат македонски јазик. Немаат проблем со оваа работа. Нема дилеми, зборуваат многу често за македонскиот јазик. Пријатели сме ќе најдеме решение“, рече премиерот.

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе