признание

Медал од Путин за Мирка Велиновска

Амбасадорот на Руската Федерација во Република Македонија, Олег Шчербак ѝ врачи медал „70-години од победата“ на новинарката на „Нова Македонија“ Мирка Велиновска.

Со одлука на претседателот на Руската Федерација, Владимир Путин, овој медал ѝ е доделен на Велиновска за нејзиниот голем придонес за зачувување на историската меморија за Втората светска војна, за борбата против фалсификувањето на историјата и за антифашистичкото воспитување на младите генерации.

Путин, кој воедно е претседател на организацискиот одбор „Победа“, по повод 70-годишнината од победата над фашизмот, донесе одлука за востановување медал кој се вика „70-години од победата“ и кој им се доделува на луѓе и на организации кои дадоа голем влог во антифашистичката дејност, пропагандата итн.

Во Република Македонија медалот освен на Велиновска, веќе му е врачен и на проф. д-р Велимир Стојковски, ректорот на универзитетот „Св. Кирил и Методиј“, а доделен им е на Ѓорге Иванов, Живко Мукаетов и на Музејот на холокаустот, на кои дополнително ќе им биде врачен.

„Наградата не ја доживувам лично, туку ја доживувам како обврска, односно континуитет на нашата генерација кон генерацијата на нашите родители кои ја биеја таа битка, и воедно како награда за „Нова Македонија“ која беше носител на антифашистичката борба во Македонија од своите почетоци и која ги постави темелите на македонската држава“, изјави Велиновска по добивањето на медалот.

Пред неколку недели се наврши една година од почетокот на пандемијата. Ковид-19 ги разоткри системските проблеми во здравствениот систем и другите институционални гранки на Косово.

повеќе

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе

Освен неколку изолирани обиди, повеќето луѓе не реагираат кај институциите и не бараат одговорност. 

повеќе