Македонската армија е раздвижена со војници и возила, информира Генералштабот

Македонската војска денеска започна вежбовни активност, информира Генреалштабот, а што претставува редок случај на соопштение од ваков тип. „Вежбовни активности кои се изведуваат во и вон работно време во различни периоди на годината се дел од годишниот План на Генералштабот за обука, вежби и контрола, при што единиците и припадниците на Армијата се валоризираат во изведување на предвидени постапки и мерки во зададени ситуации", пишува во соопштението..

„Во текот на денешниот ден почнаа да се изведуваат вежбовни активности во гарнизоните каде има стационирани единици на Армијата. За оваа активност и раздвижувањето на персонал и моторни возила кое ќе се одвива во гарнизоните, навремено се известени сите релевантни државни институции на подрачјата каде се предвидени активностите", велат од Генералштабот и додаваат дека станува збор за вежбовни активности на припадниците на Генералштабот и на потчинетите команди и единици на Армијата.