Самит на видео врска

Лидерите на ЕУ ја потврдија одлуката за почеток на преговори за членство со Македонија

Лидерите на Европската унија кои доцна вечерва одржаа самит преку видеконференциска врска, ја потврдија одлуката за започнување преговори со Македонија.

Информацијата ја објави Хрватското претседателство со ЕУ, како и еврокомесарот за проширување Оливер Вархеји, кој оцени дека лидерите го потврдиле на највисоко ниво новиот пристап кон проширувањето.

„Денеска членовите на Европскиот совет ги усвоија заклучоците на советот за отворање пристапни преговори со Северна Македонија и Албанија. Ова отвора нова страница за европскиот пат на Северна Македонија и Албанија и претставува историска одлука за нив, за ЕУ и за Хрватското претседателство бидејќи е остванеа една од нашите главни цели“, објави на Твитер Хрватското претседателство со ЕУ.

Според Вархеји, лодерите на ЕУ, освен одлуката за почеток на преговори ја потврдија и новата методологија.

„Ние ја почнуваме нашата работа околу преговарачките рамки, а знам дека реформите во двете земји продолжуваат. Иднината на Западниот Балкан е во ЕУ“, напиша Вархеји.

Одлуката на лидерите на ЕУ ја поздрави и американскиот државен секретар Мајк Помпео.

„Ја поздравуваме одлуката на Европскиот совет за отворање пристапни преговори со Албанија и со Северна Македонија. Соединетите држави ќе останат ваш партнер на секој чекор од овој пат“, напиша Помпео на Твитер.

 

 

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе

За транспортерите – благодарам, за мерките – итност, за компаниите надеж дека Владата ќе ги искористи сите ресурси на државата за да ги одржи во живот, без разлика на цената што треба да се плати за тоа.

повеќе

Пандемијата со коронавирусот започна во време кога довербата во институциите беше на рекордно ниско ниво. 

повеќе