ПО ПРИВЕДУВАЊЕТО НА САВЕСКИ И КУНОВСКИ

Левица: Домашен притвор за нашите членови

Иако пред малку известивме дека нашите двајца членови кои беа приведени денес се пуштени, ним сепак им е одредена мерка куќен притвор. Нема правда, нема мир!, соопштија од партијата Левица. 

Дека на Здравко Савески и Владимир Куновски им е одредена мерка куќен притвор потврдија и од движењето „Протестирам“.

Од Основниот суд засега нема соопштение и потврда. Неофицијално се уште се чекаат решението на судијата на претходна постапка кој е надлежен за предметот.

Од МВР попладнево рекоа дека членот на Президиумот на Левица, Златко Савески, се товари дека кривичното дело го извршил на тој начин што на 13 април влегол во демолираната Народна канцеларија на претседателот заедно со дел од толпата, запалил фотографија од Ѓорѓе Иванов и фрлал со предмет кон канцеларијата.

За Куновски, пак, рекоа дека кривичното дело го извршил на тој начин што, додека се наоѓал во внатрешниот дел од Народната канцеларија на претседателот, преку искршениот прозор исфрлал неколку канцелариски столчиња на тротоарот.

Двајцата се пријавени поради основи на сомневање за сторено кривично дело „Учество во толпа што ќе изврши кривично дело“ предвидено и казниво по член 385 од КЗ на РМ.

Реакции за притворот стигнаа од повеќе партии и организации, а сопартијците од Левица сметаат дека апсењето на Савески е отворен прогон кон политичките неистомисленици и претставува обид да се исплашат луѓето кои учествуваат и ги поддржуваат масовните протести на движењето „Протестирам“. Нагласија дека со притворањето се создава контраефект, односно ги стимулира за уште помасовни протест. 

Б.Ш.

Продолжува активноста на копачите, крановите и мешалките за цемент додека самите Албанци се протерувани од градот. 

повеќе

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе